Siglir tar il cuntegn

Svizra Fugitivs: Grond interess per fufragnadi a l'universitad

En Svizra duai tut tgi che ha interess pudair studegiar – er fugitivs e requirents d'asil. Quai pretenda la federaziun dals students.

Bajetg da l'ETH da Turitg.
Legenda: L'ETH da Turitg porscha da nov 40 plazzas da fufragnar per fugitivs. Keystone

En Svizra duai tut tgi che ha interess pudair studegiar – er fugitivs e requirents d'asil. Quai pretenda la federaziun dals students e s'engascha perquai per in semester da fufragnadi ad universitads. Ils fugitivs duain vegnir accumpagnads da menturs.

ETH da Turitg porscha 40 plazs

La scola politecnica federala da Turitg saja vid elavurar in program.
Radund 40 fugitivs pon fufragnar davent da l’atun a l’ETH Turitg. Las bleras annunzias sajan vegnidas da persunas da la Siria, l'Afghanistan e l'Eritrea.

L'offerta sa drizza a fugitivs cun funds academics ch'avevan cumenzà en lur patria in studi tecnic da scienza natirala. I na saja dentant betg da scumbigliar cun in studi. Ils fugitivs possian simplamain esser en l'auditori per pudair sa famigliarisar cun las pretensiuns dal studi da l'ETH.

A l’universitad da Basilea han 17 fugitivs gia pudì absolver in semester da fufragnadi.

RR novitads 8:00