Il cusseglier guvernativ vallesan, Oscar Freysinger vul ir per la PPS en il cussegl federal. En il cas che la partida quintia che sia candidatura saja adequata, stettia el a disposiziun. Quai ha Freysinger ditg al Radio Rhone FM.
Freysinger è dapi dus onns en la regenza vallesana. Avant er'el stà durant 12 onns en il cussegl naziunal.
Las partidas chantunalas da la PPS pon proponer lur candidats per il cussegl federal fin ils 13 da november. Davart ina candidatura definitiva decida lura la fracziun da la PPS en chasa federala. L'elecziun en il cussegl federal è ils 9 da december.
