Siglir tar il cuntegn

Header

Navigaziun

Plakat cun um che paina ina plonta e l'inscripziun: Bilaterale abholen?
Legenda: Il placat dals adversaris da l'iniziativa da la PPS davart l'immigraziun da massa n'aveva betg fatg effect avunda. Keystone
cuntegn

Svizra Freiburghaus: Nova votaziun è unica via ord virivari

Il politolog Dieter Freiburghaus na crai betg ch’il Cussegl federal vegnia da chattar ina cunvegna cun l’Uniun Europeica che fiss cumpatibla cun l’artitgel constituziunal da l’iniziativa d’immigraziun da massa.

L’UE haja adina puspè declerà ch’i na dettia naginas excepziuns tar dumondas da la libra circulaziun da persunas.

La suletta pussaivladad da chattar ina via ord l’entir virivari saja perquai da laschar votar las Svizras ed ils Svizzers davart la dumonda sche la Svizra duai realisar l’iniziativa da la PPS pled per pled u sche las cunvegnas bilateralas cun l’UE duain vegnir salvadas.

I na saja dentant betg prudent da lantschar ina tala votaziun entaifer ils proxims mais. I dovria il temp enfin il favrer 2017, il temp che l’iniziativa dettia per realisar l’artitgel constituziunal.