Siglir tar il cuntegn

Svizra Frauke Petry: La Germania duai suandar il model da la Svizra

Petry è stada envidada a la radunanza generala da la AUNS, l'acziun per ina Svizra independenta e neutrala.

La politicra tudestga Frauke Petry ha referà a la radunanza da la AUNS ad Interlaken
Legenda: Frauke Petry ha referà a la radunanza da la AUNS Keystone

La radunanza da la Acziun per ina Svizra independenta e neutrala ha pudì succeder ad Interlaken senza disturbis. La polizia è stada en acziun per proteger la radunanza. Sco pledadra è Frauke Petry da la AfD da la Germania stada envidada. Ella ha manegià che la Germania dovria dapli democrazia ed ella ha ludà la cultura democratica en Svizra.

Radunanza era previda a Berna

La AUNS aveva stuì spustar la radunanza da Berna ad Interlaken, pervia da smanatschas da circuls autonoms da la sanestra. Sumegliant a la PPS vul er la AUNS betg s'avischinar a l'Uniun europeica e restrenscher l'immigraziun en Svizra. La politica d'asil dovra tenor la partida reglas pli severas.

RR novitads 18:00