Siglir tar il cuntegn

Header

Navigaziun

In luf
Legenda: En il cadaver dal luf eran dus sajets. Keystone
cuntegn

Svizra Fraudaders han sajettà sin in luf en il chantun Uri

Gia avant che las autoritads dal chantun han sajettà giu in luf en il chantun Uri avevan fraudaders sajettà sin quel. Quai han las examinaziuns dal cadaver demussà. L'Uffizi da chatscha uranais ha uss inoltrà ina denunzia penala cunter nunenconuschent.

Ins haja chattà duas blessuras en l’animal. Ina saja dal sajet mortal dals 28 da fanadur. Ina ulteriura blessura d’in sajet saja almain set emnas pli veglia, scriva il center per medischina da selvaschinas da l’universitad da Berna.

Sajettà illegalmain sin il luf la primavaira

Uschia saja quai da quintar che fraudaders han sajettà fin matg entschatta zercladur illegalmain sin quest luf, scriva il chantun Uri. Nua n’è betg conuschent. Pervi dal radius d’acziun grond d’in luf pudess era ils chantuns vischins dal Uri vegnir en dumonda.

Il luf M68 era suenter ina chatscha da duas emnas vegnì sajettà sin incarica da la regenza dal Uri en il territori da Surenen. Avant aveva il luf mazzà ni blessà 80 animals sin alps uranaisas.

RR novitads 14:00