Siglir tar il cuntegn
Inhalt

Svizra Francine Jordi ed Alexander Mazza preschentan il nov «Stadl»

Durant mais era il futur dal «Musikantenstadl» intschert. Uss èn ils dus novs moderaturs enconuschents. Els duain dar in image pli giuven a la show da musica populara.

Il duo Francine Jordi ed Alexander Mazza
Legenda: Il duo Francine Jordi ed Alexander Mazza vegnan a moderar il nov Musikantenstadl. ORF/Thomas Ramstorfer

La chantadura svizra Francine Jordi ed il moderatur tudestg Alexander Mazza vegnan a preschentar en il futur il «Musikantenstadl». Quai han communitgà SRF e ses emetturs associads ORF ed ARD. Els suondan sin Andy Borg che sto pigliar cumià dal «Stadl» il zercladur. La show duai pledentar in public pli giuven en l’avegnir, hai gì num.

Ils 12 da settember beneventan Jordi e Mazza per l’emprima giada, live dad Offenburg, il public en in’emissiun cumplettamain nova.

Ditg n’era betg cler tgi che mainia vinavant il Stadl. En connex cun la successiun da Borg eran crudads nums sco Stefan Mross, Andreas Gagalier u Helene Fischer.

Il «Musikantenstadl» è ina da las pli veglias shows da televisiun e vegn emessa sco emissiun dad eurovisiun er en Austria ed en Germania.

RR actualitad da mezdi