Siglir tar il cuntegn

Svizra Franc svizzer pli debel

L’euro custa per l’emprima giada suenter l’aboliziun dal curs minimal il schaner sur 1,08 francs. Uschia vegn il franc successiv pli flaivels. Gia l’emna passada custava l’euro 1,07.

Bancnotas svizras.
Legenda: Era il dollar american è vegni pli ferm envers il franc: glindesdi suentermezdi custava 1 dollar 99 raps. Keystone

Glindesdi han signals positivs da las contractivas cun la Grezia rinforzà l’euro en cumparegliaziun cun il franc svizzer.

Il franc n'è betg pli ina valuta da segirtad

Il franc svizzer saja vegni pli flaivels pervi da che la valuta Svizra na saja betg pli ina valuta da segirtad, ha ditg ina experta d’ina banca tudestga. Per ella èsi era cler che la banca naziunala n’haja betg intervegnì en il martgà.

RR novitads 18:00