Siglir tar il cuntegn

Header

cuntegn

Svizra Fracziuns han anc ina giada discutà lur strategia

Il di avant las elecziuns dal Cussegl federal èn las fracziuns anc ina giada sa radunadas per discutar lur strategia. La PS ha tadlà ils trais candidats uffizials da la PPS il suentermezdi. Tar las autras fracziuns èn Thomas Aeschi, Norman Gobbi e Guy Parmelin gia stads avant.

Gia avant aveva la Partida burgais-democratica ed ils Verdliberals fatg a savair ch'els elegian in candidat uffizial, pia ch’els na sustegna nagin candidat selvadi.

Tenor la scheffa da fracziun dals Verdliberals, Tiana Angelina Moser, èn las differenzas a lur posiziun dentant enormas – e quai tar tut ils trais candidats da la PPS. Tgi ch'ils singuls commembers da la fracziun da la PVL vegnan ad elegier n'ha Moser betg ditg.

audio
Saira: Elecziun Cussegl federal – La strategia da las fracziuns
ord Actualitad dals 08.12.2015.
laschar ir. Durada: 5 minutas 14 Secundas.

Nagina audiziun tar ils Verds

Gia l’emna passada avevan la fracziun dals Liberaldemocrats e quella dals Cristiandemocrats ditg ch’ellas vegnan ad eleger in dals candidats uffizials da la PPS, pia Thomas Aeschi, Norman Gobbi e Guy Parmelin.

Ils Verds n'han sco unica partida en il parlament federal betg envidà ils 3 candidats da la Partida popular svizra per in sez en il Cussegl federal.

Artitgels legids il pli savens