Siglir tar il cuntegn
Inhalt

Svizra Forza idraulica vegn probabel subvenziunada

Il parlament para da chattar ina soluziun co reagir sin ils bass pretschs per current electric. Uschia ha la Cumissiun d’energia dal Cussegl dals chantuns proponì da sustegnair il model dal Cussegl naziunal.

Ina turbina per far electricitad.
Legenda: La forza idraulica na vegn per part betg da cuvrir ils custs da producziun. Keystone

Tar las subvenziuns per las ovras idraulicas para il parlament da chattar ina soluziun. La Cumissiun d’energia dal Cussegl dals chantuns propona d’acceptar il model ch’il Cussegl naziunal ha proponì. Il model prevesa che las ovras idraulicas duajan survegnir per energia producida sut ils custs da producziun maximalmain 1 rap per ura kilowatt.

Diever per mantegniment e sanaziun

Da discutar vegn probabel a dar sche quest daners pon sulet vegnir duvrads per reparaturas e mantegniment, quai propona il Cussegl naziunal. La Cumissiun d’energia dal Cussegl dals chantuns vul renunziar sin ina tala ordinaziun fixa.

Cler votum per la forza idraulica

L’associaziun da las interpresas d’electricitad svizras beneventa la decisiun da la Cumissiun d’energia dal Cussegl dals chantuns. La mesira gidia la forza idraulica nunbirocratic e effectiv. L’energia idraulica saja relevanta per l’entir sistem d’electricitad en Svizra e fitg impurtanta per la realisaziun da la strategia d’energia 2050, scriva l’associaziun.

RR novitads 20:00