Tschains d'aua ch'ils concerns d'electricitad ston pajar als chantuns per nizzegiar la forza idraulica, pudessan vegnir calculads en l'avegnir auter, per exempel cun ina cumpart fixa ed ina variabla. Quai ha ditg il directur da l'Uffizi federal d'energia (UFE), Walter Steinmann a Radio SRF.
La raschun saja la situaziun difficila da bleras ovras idraulicas. Actualmain dettia contractivas per regular da nov ils tschains d'aua a partir dal 2019.
Fin ussa è il tschains d'aua independent dal gudogn dals concerns. Cun la nova regulaziun survegnissan las vischnancas ed ils chantuns damain daners, sche las fatschentas van mal.
RR novitads 11:00 / RR actualitad 07:00