L'onn passà ha il Fond naziunal Svizzer investì en 2'971 projects novs. Mintga dumonda per sustegn finanzial haja da far tras ina procedura che cuzza var in mez onn. Quai di il president dal Fond naziunal svizzer, Matthias Egger. Quella procedura severa promovia la qualitad da la perscrutaziun svizra.
Cunquai che nus tschertgain ils megliers projects, sto nossa procedura da tscherna era esser top.
5'800 projects currents
Il Fond naziunal sustegna projects da differentas spartas sco per exempel da la medischina u da la fisica. Vitiers investescha el radund in tschintgavel dals daners en las carrieras da giuvnas scienziadas e giuvens scienziads. La fin da december ha il Fond naziunal dumbrà en total 5'800 projects currents.
RR novitads 11:00