Siglir tar il cuntegn

Header

Navigaziun

Squitsch da 3D .
Legenda: Cun squitsch da 3D chattar la plazza en la branscha d’industria (maletg da simbol). Keystone
cuntegn

Svizra Fond duai promover startups

En Svizra duai vegnir promovì startups. Perquai metta in fond, ch'è vegnì creà da nov, a disposiziun ina mesa milliarda francs chapital da ristga per interprendiders giuvens. Quai rapporta la «NZZ am Sonntag».

Per pudair realisar quest nov fond saja il cusseglier federal Johann Schneider-Ammann sa scuntrà davos las culissas cun represchentants da l'economia e quai dapi emnas.

Cusseglier federal Johann Schneider-Ammann.
Legenda: Cusseglier federal Johann Schneider-Ammann. Keystone

Il venderdi saja ussa crudà il culp da partenza. Da la partida sajan tranter auter la Credit Suisse, l'UBS e la Mobiliar. Quellas mettian a disposiziun 200 fin 300 milliuns francs, uschia Schneider-Ammann. Ins saja dentant anc en discussiun cun ulteriuras persunas ed interpresas. Ina mesa milliarda saja per la Svizra ina gronda summa. Quai saja dentant necessari per pudair planisar a lunga vista e per sustegnair in tschert dumber projects.

RR novitad 16:00