Siglir tar il cuntegn

Svizra Focus economia - visita statala en China da Schneider-Ammann

Trais dis ha cuzzà la visita statala da Johann Schneider-Ammann en China. A la fin da sia visita ha il president da la Confederaziun avert ina nova filiala dal «Swiss Center» en la metropola Schanghai. Plinavant ha el visità interpresas svizras.

Johann Schneider-Ammann durant ina visita tar fabricant ABB a Peking (7 d'avrigl 2016).
Legenda: Johann Schneider-Ammann durant ina visita tar fabricant ABB a Peking (7 d'avrigl 2016). Keystone

Ils Swiss Centers en la China mettan a disposiziun servetschs e localitads a firmas svizras che vulan entrar en il martgà chinais. Er gidan ils centers a minimar ils ristgs da questas interpresas.

Inscunters cun politichers

Dasper l’avertura dal «Swiss Center» ha Schneider-Ammann er visità la represchentanza dal concern da farmazia Novartis. La damaun ha Schneider-Ammann discurrì ad in’occurenza da Swissnex. Avant era el s’inscuntrà cun il secretari da la partida da Schanghai, Han Zheng.

En ils dus dis precedents era il president da la Confederaziun s’inscuntrà cun politichers a Peking, quai ensemen cun ina delegaziun da 40 represchentants da scienza ed economia. Il terz di a Shanghai stat sut l’ensaina da l’economia svizra.

RR novitads 15:00