Siglir tar il cuntegn

Header

cuntegn

Svizra Flixbus collavura cun Eurobus

Il purschider svizzer da viadis cun bus, Eurobus, collavura en l'avegnir cun il concurrent tudestg Flixbus. Per la purschida da viadis cun bus a lunga distanza dovrian ins il sistem da cudischaziun da Flixbus, communitgescha Eurobus che tutga tar la gruppa Knecht.

Eurobus porscha a partir dals 10 da zercladur trais lingias da bus a lunga distanza en Svizra: Da Cuira a Sion, da Son Gagl a l'eroport da Genevra e da l'eroport da Turitg via l'eroport da Basilea a Lugano.

Eurobus tutga tar gruppa Knecht

Avrir la box Serrar la box

Tenor atgnas indicaziuns è Eurobus la pli gronda interpresa privata da bus en la Svzra. Il 2017 ha ella fatg ina svieuta da 125 milliuns francs. L'interpresa ha radund 500 collavuraturas e collavuraturs ed ina flotta cun totalmain 260 differents bus.

Las concessiuns per quests viadis ha il Cussegl federal surdà il favrer a la Domo Swiss Express. Da lezza ha Eurobus surpiglià l'avrigl la maioritad d'aczias. Sin ils trajects numnads dovra Eurobus sis bus da standard en cotschen-alv. Sin la midada d'urari il december vegn la flotta cumplettada cun sis novs bus da duas auzadas.

RR novitads 14:00

Artitgels legids il pli savens