Svizra - Fisicher dal Cern na dastga vinavant betg entrar en Svizra
La Dretgira administrativa federala ha renvià in plant d'in fisicher cunter in scumond d'entrar en Svizra. L'anteriur collavuratur da la ETH Losanna e dal Cern a Genevra era vegnì sentenzià avant 3 onns en Frantscha pervi d'avair sustegnì l'organisaziun terroristica Al-Kaida.
L'Uffizi federal per polizia ha sinaquai relaschà in scumond d'entrar en Svizra per il burgais dubel franzos-algerian. Il fisicher aveva gì sur pli lung temp contact cun l'organisaziun terroristica e sustegnì quella logisticamain e finanzialmain. El po trair vinavant la sentenzia avant dretgira federala.
