Siglir tar il cuntegn

Header

Navigaziun

Purtret d'in um che pachetescha en raps en sia giacca.
Legenda: Multas e chastis na duain betg pli vegnir tratgas giu da la taglia. Keystone
cuntegn

Svizra Firmas na duain betg pudair trair giu da la taglia chastis

Firmas na duain betg pudair trair giu da la taglia multas e chastis da daners. Il cussegl federal ha dà vinavant in messadi al parlament. Betg trair giu da la taglia dastg'ins tenor project da lescha dal cussegl federal er daners da corrupziun a privats ed expensas che stattan en connex cun crims.

En il dretg vertent mancavan fin ussa talas regulaziuns. La dretgira federala aveva dentant decidì il settember che sancziuns finanzialas cun intent da chastì na dastgan gia tenor dretg dad oz betg vegnir tratgas giu da la taglia.

Nagina regulaziun tar custs da process

Sper las partidas da la PPS e la PLD èn era blers chantuns stads encunter da n'er betg pudair trair giu ils custs da process da la taglia. Il Cussegl federal ha lura desistì da metter en quest punct, cun l'argumentaziun ch'el vesi la problematica tar la realisaziun da la lescha.

Dapli consentiment ha il Cussegl federal gì tar la discussiun da betg pli pudair trair giu daners da corrupziun a privats. Encunter è stada be la PPS. Il Cussegl federal di che la regulaziun correspundia al senn da directivas internaziunalas e saja ina metoda effectiva per cumbatter la corrupziun.

RR novitads 15:00