Siglir tar il cuntegn
Inhalt

Svizra Firmas cun lavur curta han stuì relaschar main persunas

Cun lavur curta pon interpresas evitar relaschadas e salvar persunal qualifitgà. Quai è la conclusiun d'in studi dal post da perscrutaziun da conjunctura KOF da la ETH Turitg.

Persuna che retschaiva ina broschura dal RAV.
Legenda: Suenter trais onns han interpresas che fan diever da l'instrument da lavur curta 10% dapli persunal. Keystone

Tenor il studi, ch'il Secretariat da stadi per l'economia (SECO) ha dà en incumbensa, han firmas che n'han betg introducì lavur curta stuì relaschar 2 fin 3 giadas pli savens persunal che talas ch'han introducì lavur curta.

Cunzunt per interpresas pli pitschnas

Trais onns suenter l'introducziun avevan las interpresas cun lavur curta 10% dapli persunal. Cumpareglià ha il studi interpresas ch'avevan al cumenzament da la fasa da test strusch differenzas pertutgant relaschadas.

L'effect positiv da l'introducziun da lavur curta è dentant pli ferm tar interpresas pitschnas che tar grondas. E quai cunzunt en las branschas da hightec, chemia, farma ed electronica, concluda il studi.


RR novitads 08:00

Lavur curta

Lavur curta è la sminuziun dal pensum da lavur cun ina sminuziun da la paja correspundenta. Da quest instrument po il patrun far diever sche la situaziun d'ina interpresa è fitg critica.