Siglir tar il cuntegn
Inhalt

Svizra Finma ha sistì la procedura cunter Pierin Vincenz

La surveglianza da finanzas Finma ha sistì la procedura cunter l'anteriur schef da la Raiffeisen Pierin Vincenz.

Pierin Vincenz.
Legenda: Pierin Vincenz è sa decidì da sa retrair da las funcziuns da direcziun dad instituts controllads da la Finma. Keystone

L'anteriur schef da la Raiffeisen Pierin Vincenz ha decidì da sa retrair e da desister da las funcziuns da direcziun d'instituts controllads da la Finma en futur. Per la Finma saja la procedura encunter Vincenz uschia vegnida obsoleta. Perquai ha la surveglianza da finanzas sistì la procedura.

Cun il pass da sa retrair da tut las funcziuns che vegnan survegliadas da la Finma ha el prendì ad ella il sulet instrument da chasti encunter el. Numnadamain da scumandar ad el da surprender funcziuns da direcziun tar firmas controlladas, uschia Tobias Lux da la Finma.

Dapli n'avessan nus era cun las pli severas mesiras che stattan a disposiziun a nus betg pudì cuntanscher.
Autur: Tobias LuxPledader Finma

La Finma aveva inizià la procedura l'entschatta november pervia da conflicts d'interess tar la gruppa Raiffeisen.

La procedura parallela tar il tema Corporate Governance encunter la Raiffeisen curra dentant vinavant. Tge mesiras che la Finma pudess lura prender encunter la banca Raiffeisen na pudeva Tobias Lux betg anc dir. La finamira saja dentant adina da curreger ina situaziun insupportabla.

RR novitads 15:00