Siglir tar il cuntegn
cuntegn

Svizra FINMA: Adina dapli attatgas da cyber

La Surveglianza federala dals martgads da finanzas pretenda dapli coordinaziun e tests da segirezza per l'entir sistem da finanzas.

Marc Branson, il directur da la FINMA.
Legenda: Avertescha dals privels d'attatgas da cyber per la plazza da finanzas svizra - Marc Branson, il directur da la FINMA. Keystone

La Surveglianza federala dals martgads da finanzas (FINMA) avertescha a sia conferenza da medias annuala ch'ils privels pervi dad attatgas da cyber creschian ad in crescher. Cunzunt per il martgà da finanzas sajan las attatgas in problem adina pli grond che pericliteschian la stabilitad dal sistem da finanzas.

Tenor Marc Branson, il directur da la FINMA, sajan las attatgas da cyber daventadas la ristga la pli gronda per las bancas svizras. Malgrà quai fetschia la Svizra pli pauc che auters pajais per proteger il sistem da finanzas. Uschia manchian per exempel in post central per la cumpetenza da cyber ed i na dettia nagins tests da segirezza per l’entir sistem. La FINMA saja pronta da surprender qua ina rolla pli ferma.

RR actualitad 12:00