Siglir tar il cuntegn
Inhalt

Svizra Finanziaziun da partidas duai vegnir pli transparenta

Dapli transparenza tar la finanziaziun da las partidas. Quai pretenda l’iniziativa da transparenza ch’è vegnida lantschada il mardi ils 26 d’avrigl a Berna.

Pliras persunas sa chattan avant in placat.
Legenda: Iniziativa da transparenza: Il comité d'iniziativa ha lantschà oz l'inizitiva a Berna. Keystone

Tar in gea ston partidas mussar danunder ch’ellas survegnan per propi ils daners per lur campagnas. Uschia stuessan ellas annunziar tut las donaziuns che surpassan ils 10‘000 francs a la Chanzlia federala. Lezza publitgass alura quellas.

La cussegliera naziunala Rosmarie Quadranti (PBD), ina da las copresidentas dal comité d’iniziativa, è persvasa che dapli transparenza tar la finanziaziun da partidas fiss positiv per la cultura politica da la Svizra.

Ils iniziants han ussa temps enfin l’october da l’auter onn da rimnar las 100’000 suttascripziuns necessarias.

RR novitads 17:00