Siglir tar il cuntegn

Header

cuntegn

Finanzas statalas Administraziun federala quinta cun dapli daivets

Confederaziun, chantuns ed assicuranzas socialas ston quintar quest e l'auter onn cun in augment marcant dals debits. Tenor l'administraziun federala da finanzas restian las finanzas publicas però en in stan solid.

L'onn passà hai dà grondas perditas da taglia pervia da la pandemia. Ils custs per las mesiras da corona sin plaun federal e chantunal muntan a radund 17 milliardas francs. Per l'onn current quinta l'administraziun federala da finanzas cun custs supplementars da 23 milliardas francs. Ils daners da taglia vegnian vinavant a sa reducir ed uschia vegnia il squitsch sin ils perchasas publics a restar aut. Uschia vegnia il deficit a cuntanscher radund 3,5% dal BIP.

Svilup intschert

Per il mument saja la quota da debits en Svizra bassa, cumpareglià internaziunalmain. Las finanzas svizras sajan solidas. Ma sche la Svizra e ses partenaris economics impurtants vegnian tutgads dad ulteriuras undas da pandemia, possia la situaziun sa pegiurar.

Da l'auter maun pudess in decurs miaivel da la pandemia, cun mesiras da protecziun ed agid che giajan bainbaud a fin, reducir ils debits, scriva l'administraziun federala.

RTR novitads 11:00

Artitgels legids il pli savens