Siglir tar il cuntegn

Header

Navigaziun

tomatas en differentas colurs
Legenda: Il pretsch da las tomatas n'è bain betg creschì uschè fitg sco auters - paisa però pli grev, perquai ch'ellas fan la pli gronda svieuta. Keystone
cuntegn

Svizra Fin da vendita speziala da stad fa crescher ils pretschs

Tras la fin da las venditas spezialas en Svizra èn ils pretschs en Svizra puspè creschids il settember.

Cumpareglià cun l'avust èn ils pretschs s'augmentads per 0,1%. Quai mussan las novas cifras da l'Uffizi federal per statistica. Vegnids pli chars èn sutut ils pretschs per vestgadira e chalzers.

Legums-verdura èn bler pli chars

Creschids il pli fitg èn ils pretschs per legums-verdura sco per exempel oberschinas, zucchettis, cucumeras e peperonis. Il pretsch per tomatas n'è betg creschì uschè fitg. Paisa però pli grev, perquai che lezzas vegnan vendidas il pli savens.

Pli bunmartgà è viandar, charn e caffee

Pli bunmatgads èn perencunter viadis pauschals u era pernottaziuns en hotels svizzers. Ils hoteliers svizzers han numnadamain sbassà ils pretschs, malgrà il ferm franc svizzer. Era charn, caffee, glace e tschigulatta èn vegnids pli bunmartgads.

RR novitads 11:00