Siglir tar il cuntegn
Inhalt

Svizra Fin d'emna intensiva per la Rega

La fin d’emna passada èn ils helicopters da la Rega vegnids clamads a 150 accidents, uschè blers sco anc mai quest enviern. Las bleras acziuns da la Rega èn stads en la Part Sura Bernaisa sco er en Svizra centrala ed orientala, scriva l'organisaziun da salvament.

in helicopter da la Rega sin ina pista
Legenda: La Rega ha gì ina fin d'emna intensiva cun radund 150 accidents. mad

Dus terzs dals accidents eran sportists d’enviern cun blessuras vid il dies, la spatla, sco era scurladas dal tscharvè e ruttadiras d’ossa.

Spetgà dapli lavur

Dis da bell’aura durant l'enviern quinta la Rega adina cun dapli travasch. En la centrala d'acziun dals helicopters, sin la plazza aviatica a Kloten. Da tals dis coordineschan mintgamai 5 persunas ils sgols. Vitiers staziunescha la Rega in helicopter supplementar sin la basa da Wilderswil en la Part Sura Bernaisa. L'equipa da Wilderswil, la crew da «Rega 17» ha gì da sgular 14 acziuns da salvament la fin d'emna passada.

RR novitads 12:00