Siglir tar il cuntegn

Header

video
A Schaffusa ha il stemprà procurà per impediments
Or da News-Clip dals 21.10.2021.
laschar ir. Durada: 45 Secundas.
cuntegn

Fin a 140 km/h «Hendrik» interrumpa lingias da trens e vias

Il stemprà Hendrik surpassa la Svizra dal vest a l'ost ed ha laschà crudar las temperaturas. En il chantun Giura ha il stemprà buffà cun fin 140 kilometers l'ura. Quai ha era chaschunà disturbis e donns. En ils chantuns Berna ed Appenzell Dadens èn interruts tschancuns da trens pervi da donns vid las lingias electricas. Er en il chantun Schaffusa èn ils pumpiers gia stads en acziun pervia da plontas crudadas. A Thun è in'auto collidà cun in object ch'è vegnì buffà sin l'autostrada.

Las annunzias da donns creschan era tar las polizias. La polizia chantunala bernaisa ha registrà 40 annunzias da donns e la polizia chantunala turitgaisa passa 20 annunzias aifer 2 uras. Concret sa tracti da pumers u auters objects cupitgads. Ils meteorologs quintan che la situaziun sa normalisescha en Svizra puspè en il decurs dal suentermezdi u vers saira.

Spertadad fin ad in orcan

Il pli intensiv hai buffà sin il Moléson (FR). Tenor SRF Meteo ha il stemprà cuntanschì spertadads fin a 138 kilometers l'ura. En regiuns pli bassas han ins era registrà tempi da sur 100 kilometers l'ura. Il pli intensiv ad Aesch (BL) cun 126 km/h.

RTR novitads 08:00

Artitgels legids il pli savens