Siglir tar il cuntegn
Inhalt

Svizra Fimaders svizzers fiman marcantamain dapli che supponì

En media bunamain in entir pachet da cigarettas a di. Quai han chattà or perscrutaders a l'universitad da Neuchâtel.

Maun che tegn ina cigaretta.
Legenda: Maletg simbolic: Svizzers e Svizras che fiman regularmain, fiman marcantamain dapli che supponì fin uss. Keystone

Fin ussa ha l'Uffizi federal da sanadad quintà cun in mez pachet da cigarettas a di. La differenza saja da declerar cun las diversas metodas da retschertga, uschia hai num. Il studi da l'universitad da Neuchâtel sa basa sin calculaziuns sin fundament da cifras da vendita, l'Uffizi da sanadad fa sias calculaziuns sin fundament d'enquistas.

Il perscrutaders da Neuchâtel han atgnamain be vulì savair per quants products da tubac ch'ils Svizzers pajan taglia. La resposta: Per bunamain tut las cigarettas che vegnan fimadas en Svizra vegn er paja taglia qua. Pli pauc che 10% derivan da l'exteriur u dal martgà nair.

RR novitads 06:00