Siglir tar il cuntegn

Header

cuntegn

Svizra FIFA duai er stuair pajar taglia

Il Cussegl federal vul examinar reglas novas per las federaziuns da sport internaziunalas sco per exempel la FIFA. Uschia na duajan organisaziuns cun ina gronda activitad commerziala betg pli esser libras da la taglia federala directa.

Il logo da la FIFA.
Legenda: Il mument na sto la FIFA betg pajar la taglia directa federala. Keystone

Il Cussegl federal propona al parlament federal d'approvar in postulat da cusseglier naziunal Cédric Wermuth (PS) Argovia. Fin ussa aveva il Cussegl federal tar postulats sumegliants adina mussà chapientscha per la critica ma er adina refusà reglas novas. Ussa è il Cussegl federal almain pront d'examinar talas midadas.

En ses postulat crititgescha Wermuth ch'ì na saja betg plausibel da remetter la taglia federala directa a talas organisaziuns internaziunalas da sport cun ina gronda activitad commerziala.

RR novitads 15:00

Artitgels legids il pli savens