Siglir tar il cuntegn
Inhalt

Svizra Fieu en in hotel a Lucerna

En la citad veglia da Lucerna è in fieu rut ora. I sa tracta da l'hotel Schlüssel a la plazza dal Franziskaner. Dapli che 100 pumpiers èn al lieu dal brischament.

Bler fim vign ord l'hotel vegl.
Legenda: Passa 100 pumpiers èn involvids en las lavurs da stizzar il fieu. Thomas Heeb/SRF

Blessads n’haja dà nagins. Or da l’hotel n’hajan naginas persunas stuì vegnir evacuadas. Dentant or da bajetgs vischinants. Il fieu saja rut ora en la cuschina.Daco ch’il fieu è rut or, n’è anc betg cler.

Ils pumpiers èn vegnids alarmads a las 11:50, ha ditg Sacha Müller dals pumpiers da la citad da Lucerna. Per pudair stizzar il fieu han ils pumpiers stuì avrir il tetg dal hotel. Cunquai ch'i sa tractia d'in bajetg vegl, emprovian ins da betg duvrar memia bler'aua. Cunzunt veglian ins salvar il palantschieu sura dad ina ustaria ch'è tschientaners vegl. Quai han communitgà las autoritads localas.

RR novitads 14:00