Siglir tar il cuntegn

Header

cuntegn

Fête des Vignerons Jean-Daniel Berthet è vegnì encurunà sco retg dals viticulturs

A la Fête des Vignerons a Vevey è il nov retg viticultur vegnì encurunà: Igl è Jean-Daniel Berthet da Epesse/Bourg-en-Lavaux.

Purtret da Jean-Daniel Berthet.
Legenda: Jean-Daniel Berthet è il nov retg da la Fête des Vignerons a Vevey. Keystone

Berthet che ha 56 onns e lavura tar Lux Massy Vins suonda Reymond Favez ch'è daventà retg il 1999. Lez ha gudagnà questa giada ina medaglia d'argient.

La fraternitad dals viticulturs ha en pli onurà sis ulteriurs viticulturs cun ina medaglia d'aur, tranter quels er ina dunna. Plinavant èsi vegnì surdà 19 medaglias d’argient e 49 medaglias da bronz per ils megliers viticulturs. En tut èn vegnids investids 200'000 francs sco premias. Cun quai èn ils megliers viticulturs vegnids undrads suenter che lur lavur è vegnida valitada.

Il cusseglier federal Guy Parmelin è stà intgantà da la festa ed ha gratulà als participants ed als organisaturs:

RR novitads 06:00

Artitgels legids il pli savens