Siglir tar il cuntegn

Header

audio
In discurs cun la presidenta da la Confederaziun, Simonetta Sommaruga
laschar ir. Durada: 11:41 minutas.
cuntegn

Festa naziunala dal 1. avust In discurs cun la presidenta da la Confederaziun

La crisa da corona mussa quant impurtanta che la solidaritad è di la presidenta da la confederaziun Simonetta Sommaruga. I mussa quant impurtant che i saja, che i va bain cun las persunas enturn ins, cun tut la populaziun Svizra ed era cun ils auters pajais, per che i giaja bain cun sasez.

Il di suenter che il Cussegl federal ha decidi da serrar las scolas, suenter avair scumandar eveniments sut 100 persunas e da limitar ils giasts en bars e restaurants sin 50 persunas è Simonetta Sommaruga ida al martgà a Berna ed ha constatà che il messadi na è betg arrivà tar la populaziun. En quel mument è i ad ella tras il chau: «i sto ir in »ruck« tras il pajais». Il glindesdi sisur ha ella plazza quel messadi ensemen cun ils collegas dal Cussegl federal ad ina conferenza da pressa nua che las mesiras en anc ina giada vegnidas adattadas. E quai saja stat in mument che restia ad ella.

Jau crai che mintgin ha gì muments nua ch'ins è vegni als cunfins. Era jau.
Autur: Simonetta SommarugaPresidenta da la Confederaziun

I haja dentant era dat muments nua che la presidenta da la Confederaziun è vegnida a ses cunfins – Uschia co tut la populaziun Svizra suppona ella. Ina situaziun extrema saja ina sfida per mintgina e mintgin. Impurtant saja dad avair buna glieud enturn sai cun quella ch’ins possa discurrer davart la situaziun. Uschia ans possia crescher ed emprender.

Il management da crisa na è in «gir da solo»

Adina puspè era da leger la critica che Simonetta Sommaruga era ed è memia pauc preschenta durant la crisa da corona. Ina critica che ella contra. Mintgina e mintgin haja sia rolla en la crisa. I saja ina lavur da team e sias lezias sajan plitost en la coordinaziun suenter las culissas. Per exempel en la coordinaziun e collavuraziun cun ils auters pajais. Adina dentant cura che i ha dat gondas decisiun era per ella impurtant dad esser preschenta e declerar la situaziun a la populaziun.

I saja in onn difficil per la Svizra. Perquai giavischa Simonetta Sommaruga per ils emprims d’avust tschertezza a la populaziun che la Svizra riva da surmuntar questa crisa ensemen.

Festa naziunala: Pled da la presidenta da la Confederaziun

RTR actualitad 07:00

Artitgels legids il pli savens

Scrollar a sanestra Scrollar a dretga