Siglir tar il cuntegn

Header

cuntegn

Svizra Festa naziunala 1. d’avust

Per la festa naziunala vegn il Cussegl federal a far visita en bleras parts da la Svizra per celebrar cun la populaziun las festivitads. Bleras visitas survegn la Svizra orientala.

Era quest onn vegnan tut ils set cussegliers federals a visitar pliras festivitads dal emprim d’avust. Ils pleds festivs na conuschian nus anc betg ma ils lieus nua ch’els vegnan ad esser preschents.

audio
Mezdi: 1. d’avust - pled da Johann Schneider-Ammann
ord Actualitad dals 01.08.2016.
laschar ir. Durada: 2 minutas 28 Secundas.

Ensolvers da purs era populars tar il Cussegl federal

Tenor indicaziuns da la Chanzlia federala vegn il president da la Confederaziun Johann Schneider-Ammann vegn a visitar in tal ensolver da purs en il chantun Vad a Bussy-Chardonney. Ed era il Cusseglier federal ed anteriur pur Guy Parmelin vegn a visitar in ensolver da purs en il chantun Berna a Münsingen.

Ma tar quai betg ils sulets puncts da program dals dus cussegliers federals. Il president da la Confederaziun Johann Schneider-Ammann vegn a visitar gia la dumengia il Tessin ed il vitg da Lodano, ed far visita en plirs lieus en differents chantuns. E Parmelin vegn a visitar tranter auter il center da giuventetgna e sport a Tenero (TI).

Svizra orientala populara

Guy Parmelin vegn era spetgà en la Svizra orientala a Rorschach (SG), sco era sia collega cussegliera federala Simonetta Sommaruga vegn a far visita a la Svizra orientala e vegn a pledar a Frauenfeld (TG). Cusseglier federal Ueli Maurer vegn a visitar Bussnang (TG) e Fischingen (TG).

Il parsura dal departament da cultura avra uffizialmain il museum naziunal

Alain Berset vegn ad inaugurar la dumengia cunter saira uffizialmain il nov bajetg dal engrondiment dal Museum naziunal svizzer a Turitg. Sin il Rütli vegn quest onn ina dunna a pledar. L’anteriura procuratura publica generala Carla Del Ponte vegn a pledar sco emprima represchentanta dal chantun Tessin il pled dal emprim d’avust sin il Rütli.

RR novitads 14:00

Artitgels legids il pli savens