Ils Verds vulan restar fidaivels a lur valurs era tar cuntravent. Els na sajan betg ina partida ch'adatteschia lur program a resultats da retschertgas, ha ditg la copresidenta Adèle Thorens a las medias a Berna. Quai en vista a prognosas betg uschè bunas per las elecziuns naziunalas da l'october.
La partida sa focuseschia da persvader votantas e votants che mintga vusch quintia.
Dasper il tema central - l'ambient - s'engaschian ils Verds per ils dretgs fundamentals per l'egualitad da las schanzas e per la qualitad da viver, ha agiuntà il Cusseglier naziunal e schef da la fracziun Balthasar Glättli.