Siglir tar il cuntegn

Header

cuntegn

Svizra Ferm franc svizzer fraina Clariant

Il ferm franc svizzer haja franà il concern da chemia Clariant, quai scriva il concern svizzer en in rapport a las medias. La svieuta è sa reducida l'entschatta da l'onn per dus pertschient sin bunamain 1,5 milliardas francs.

Sch'ins na resguardia betg ils effects dal curs da stgomi dal franc svizzer, lura saja il retgav da la vendita schizunt s'augmentà.

La vendita saja surtut sa diminuida en l'Europa, dentant er en la China e l'India n'ha Clariant betg pudì vender dapli. Sut il stritg fa Clariant dentant tuttina in gudogn dad 87 milliuns francs suenter ils emprims trais mais dal 2015. L’onn avant aveva Clariant anc nudà ina sperdita da 48 milliuns francs en l'emprim quartal.

RR novitads 08:00

Artitgels legids il pli savens