Siglir tar il cuntegn
cuntegn

Svizra Ferm augment da las dumondas d’asil en Svizra

Prest 7’400 persunas han dumandà per asil en Svizra il segund quartal da quest onn.

Requirents d’asil da l’Eritrea.
Legenda: Requirents d’asil da l’Eritrea ch’eran arrivads la stad 2014 en la Svizra. Keystone

Quai èn 2’000 dapli ch'avant in onn, sco il Secretariat statal per la migraziun scriva. L'augment saja cunzunt d'attribuir a requirents d'asil da l'Eritrea, ed a la bun'aura. Pervi da lezza hajan dapli migrants ristgà il viadi sur la Mar Mediterrana.

En cumparegliaziun cun auters pajais europeics saja l'augment da las dumondas d'asil moderà, scriva il secretariat. E l’augment dad ussa haja raschuns stagiunalas. Plinavant saja da quintar che las dumondas sa reduceschian l’atun, sco gia auters onns.

RR Novitads 14:00