Siglir tar il cuntegn
cuntegn

Svizra Fedpol ha incumbensà la spiunascha en Germania

La polizia criminala federala (Fedpol) aveva dumandà il 2011 il servetsch federal d’infurmaziuns (NDB) per agid en connex cun datas da banca enguladas. Quai ha ina pledadra dal Uffizi federal da polizia conferma ad SRF.

Il ministeri da finanzas da Nordrhein-Westfalen a Düsseldorf.
Legenda: Il ministeri da finanzas da Nordrhein-Westfalen a Düsseldorf. Keystone

Il motiv per l’acziun da spiunascha supponida dal servetsch federal d’infurmaziuns en Germania è stada ina dumonda da la polizia federala «Fedpol». En connex cun datas da banca enguladas haja «Fedpol» dumandà il servetsch d’infurmaziuns per agid il 2011. Quai ha confermà la pledadra Cathy Maret envers Radio SRF.

«Il 2011 hajan ins dumandà si l’NDB per infurmaziuns davart datas da banca enguladas e surtut sche quai dettia gia infurmaziuns. I sa tractia dad in proceder usità damai che la Germania n’haja betg purschì assistenza giudiziala», ha ditg Maret.

RR novitads 06:00