Ils iniziants avevan tranter auter pretendì che la furma d'uniun na saja betg pli adattada per federaziuns grondas che fetschian fatschentas da milliardas. Ellas dovrian autras structuras ed ina surveglianza pli rigurusa. Uschia dettia quai ina maschaida d’intents idealas e economics che mainian ad in filz, ha ditg Carlo Sommaruga (PS/GE). Perquai vuleva el che las federaziuns da sport ston excorporar lur fatschentas economicas en societads d’aczias.
Reglas detagliadas datti gia
Per federaziuns internaziunalas da sport datti gia oz reglas detagliadas ha argumentà la cussegliera federala e parsura dal Departament da giustia Simonetta Sommaruga. Quai saja per exempel l’obligaziun da revisiun che sumeglia fitg las reglas da las societads d’aczias. Uschia na vesia il Cussegl federal il mument nagin basegn d’agir.
RR novitads 06:00