Siglir tar il cuntegn
cuntegn

Svizra FBI examinescha rolla da Blatter en ulteriur cas da corrupziun

La polizia federala dals Stadis Unids FBI examinescha para la rolla da l’anteriur president da la Fifa Sepp Blatter. El duai esser stà involvì en in gigantic scandal da corrupziun en ils onns 90, rapporta l’emettur brit BBC.

Il successur da Blatter duai vegnir elegì ils 26 da favrer 2016.
Legenda: Il successur da Blatter duai vegnir elegì ils 26 da favrer 2016. Keystone

Tenor quest rapport da l'emettur brit duai l’interpresa da marketing da sport ISL avair pajà a funcziunaris da la Fifa en tut radund 100 milliuns dollars. Sco cuntraprestaziun duai lSL avair survegnì dretgs lucrativs da reclama e da televisiun.

Examinar la rolla da Blatter

Er cumpiglià en il scandal duain esser Joao Havelange, il president da la Fifa avant Blatter, ed il vicepresident Ricardo Teixeira.

Da nov vegn uss examinada la rolla da Blatter: il Svizzer duai avair gì enconuschientscha dal cas da corrupziun, rapporta BBC. Blatter però ha adina renvià las renfatschas.

Ils 16 fin ils 18 da december duai Blatter vegnir tadlà da la chombra da giurisdicziun da la cumissiun etica da la Fifa.

RR novitads 12:00