Siglir tar il cuntegn

Svizra Far responsabel las interpresas cun sedia en Svizra

Interpresas cun sedia en Svizra duain respectar ils dretgs umans e la protecziun dal clima er da lur fatschentas en l'exteriur. Il Cussegl naziunal vul fixar reglas en la lescha - ed uschia animar ils auturs da l'iniziativa da responsabladad da concerns da retrair quella.

surdada d'in'iniziativa, ina dunna stauscha in car cun stgatlas accumpagna da bleras persunas
Legenda: Ils 10 d'october 2016 è l'iniziativa per la responsabladad da concerns vegnida inoltrada. Keystone

Cun 121 cunter 73 vuschs, tar duas abstenziuns, ha il Cussegl naziunal acceptà ina cuntraproposta indirecta, cunter la veglia da PPS e PLD. La cuntraproposta va main lunsch che l'iniziativa.
Ils iniziants - passa 100 organisaziuns - deploreschan cunzunt che la regulaziun duai valair per damain interpresas e che la responsabladad vegn restrenschida. En ina brev a tuttas commembras e tuts commembers dal Cussegl naziunal han ils iniziants garantì da retrair l'iniziativa sch'il parlament delibereschia la cuntraproposta senza midadas e sch'i na dettia nagin referendum.

RR novitads 15:00