Far excepziuns per ils secondos

Persunas naschidas en Svizra na duajan betg stuair bandunar la Svizra, era sche l’iniziativa per il repatriament effectiv vegn acceptada il proxim favrer.

Il cusseglier naziunal Hans-Ueli Vogt da la PPS.

Legenda da maletgs: Il cusseglier naziunal Hans-Ueli Vogt da la PPS relativescha pretensiuns da l’iniziativa per il repatriament effectiv. Keystone

Quai propona il cusseglier naziunal da la partida populara e professer da dretg Hans-Ueli Vogt en ina intervista cun la gasetta «Schweiz am Sonntag».

Secondos n’appartegnan bain betg a la communitad dals burgais svizzers, manegia Vogt. Ma els tutgian tar la communitad da dretg e tar a la communitad sociala en Svizra, ed or da questas communitads na duajan umans betg vegnir excluss.

Il Cussegl federal ed il parlament proponan da refusar l’iniziativa per il repatriament effectiv. Ils 28 da favrer decida alura il pievel a l’urna.

RR Novitads 06:00