Siglir tar il cuntegn

Svizra Famiglias dal di cumbattan per renconuschientscha e dapli daners

Tar la tgira d’uffants externa ha la Confederaziun sustegnì cunzunt las uschenumnadas Kitas (=Kindertagesstätte). I dat dentant er famiglias dal di. Questas n’èn betg stadas en il center da la politica ha ditg Nadine Hoch, la manadra da l’Uniun per la tgira d’uffants svizra Kibesuisse.

purtret d'ina mamma cun dus uffants
Legenda: Ina mamma dal di dastga guardar il medem temp da maximalmain tschintg uffants, inclus ils agens. Keystone

Surtut sin la champagna sajan famiglias dal di tschertgadas, perquai che las Kitas manchian savens. Perquai pretenda uss l’uniun Kibesuisse ch’er famiglias dal di vegnan renconuschidas e spera sin la midada en la revisiun da la l’ordinaziun. Uschia vegnissan famiglias dal di tractadas giuridicamain tuttina sco kitas.

Ils ultims onns ha la Confederaziun sustegnì da stgaffir plazzas per uffants en spezial en Kitas. Grazia a quest sustegn èn ils ultims 13 onns vegnids stgaffids radund 50'000 plazzas en Kitas, tar famiglias dal di saja quai stà 30'000 plazzas, uschia scriva Kibesuisse.

RR novitads 09:00