Siglir tar il cuntegn

Header

cuntegn

Svizra Exports ed imports tschessan

Las interpresas svizras han exportà il schaner damain rauba ch’il schaner avant in onn. Sco l’administraziun federala da duana ha infurmà sa resultia ina digren dal volumen d’export da bun 5 %, sin circa 16 milliardas francs.

Anc betg cler è sche la digren dals exports è ina consequenza da l’aboliziun dal curs minimal dal euro pertgè era il imports èn sa sminuids anc pli ferm ch'ils exports. La Svizra ha importà rauba per 12,97 milliardas francs, quai è in minus da 11,4 % cumpareglià cun il schaner 2013.

Sulet uras e bischutaria fan in plus

Tenor las branschas datti in maletg pauc legraivel. Sulet las branschas d'uras e da bischutaria han pudì augmentar ils exports, tut las ulteriuras branschas han registrà damain exports. Il pli cler minus ha nudà l'industria da palpiri e grafica sco era ils exportaders da textilias, vestgadira e chalzers.

Era las grondas branschas d'export, sco l'industria da maschinas ed electronica, l'industria da metal e l'industria farmazeutica han pudì vender marcantamain pli pauc en l'exteriur.

Crisas en l'Ucraina e la Russia influenzeschan exports

La Svizra ha exportà en la Russia rauba per ina valita totala da 122 milliuns francs, quai èn 36 % damain ch'il schaner d'avant in onn. Ils exports en l'Ucraina èn schizuns sa diminuids per 68 % sin anc 13 milliuns francs. En spezial l'industria da farmazia svizra senta la sminuiziun. Products farmazeutics fan ora in terz dals exports en la Russia e la mesadad dals exports en l'Ucraina.

RR novitads 11:00

Artitgels legids il pli savens