Siglir tar il cuntegn
Inhalt

Svizra Exports d'armas svizras sin nivel bass

L'onn passà ha la Svizra exportà material da guerra per 411,9 milliuns francs. La pli bassa summa dapi il 2006. Cumpareglià cun il 2015 han las interpresas d'armament svizras furnì 7,8% damain en l'exteriur. Quai mussa la statistica dal Secretariat da stadi per l'economia SECO.

vista en ina halla, parcà è in tanc ed en il fund dus camiuns militars
Legenda: Quasi in quart da las armas svizras èn vegnidas furnidas en la Germania. Keystone

Passa la mesadad dals exports da material da guerra è ida en l'Europa. Il pli impurtant stadi per armas svizras è la Germania. Al vischin en il nord ha la Svizra furnì l'onn passà armas en ina valita da 93,2 milliuns francs. Il segund grond client è stà l'Africa dal Sid e l'India cun mintgamai 34,6 milliuns francs. S'augmentà marcantamain èn ils exports en l'Africa (+207%).

Dapli exports en l'Arabia Saudita

L'avrigl passà ha il Cussegl fedral dà suenter al squitsch da l'economia e puspè lubì parzialmain exports d'armas en l'Arabia Saudita. Avant existeva in moratori d'exports per questa regiun pervi da la guerra en il Jemen. Quai ha er effect en las cifras. Envers il 2015 èn ils exports d'armas svizzers en l'Arabia Saudita s'augmentads l'onn passà da 5,8 sin 12,2 milliuns franc. Ina reducziun dals exports hai dà en ils Emirats Arabs, Bahrain e Catar.

Legende: Video Tge è tut material da guerra? abspielen. Laufzeit 00:50 Minuten.
Or da RTR dals 21.02.2017.

RR novitads 10:00