Siglir tar il cuntegn

Header

cuntegn

Examinaziun disciplinara Lauber candidescha per in'ulteriura perioda d'uffizi

Michael Lauber ha ditg ch'el na vesia nagin motiv da betg candidar. El ha ditg davent da l'entschatta ch'el candideschia, era sche l'autoritad da surveglianza instradeschia in'inquisiziun disciplinara. El n’haja mai ditg manzegnas.

Il procuratur public general na chapescha betg ch'ins attatga el, mo perquai ch'el ha emblidà insatge.

L'inquisiziun disciplinara

Cunter il procuratur public general, Michael Lauber, duai dar ina inquisiziun disciplinara. Las examinaziuns preliminaras laschian avert memia bler, rapporta SRF.

Pervi d'inscunters informals cun il president da la FIFA, Gianni Infantino, stat il procuratur public general, Michael Lauber, en la critica. Tals inscunters informals èn permess, els ston dentant vegnir protocolladas. Vers l'uffizi da surveglianza ha el concedì dus inscunters l'onn 2016. Pli tard ha el dentant concedì ch'igl haja pli probabel dà in terz inscunter. El ha dentant snegà d'avair zuppentà conscient quest inscunter. Plinavant haja Lauber fatg differentas indicaziuns davart ils inscunters.

L’emna che vegn tracta la cumissiun da dretgira dal parlament il cas e decida, sch'ella vul cussegliar al parlament da reeleger Michael Lauber. Il parlament federal decida durant la sessiun da stad, il zercladur, davart la reelecziun dal procuratur public general. I fiss sia terza perioda d'uffizi.

RR novitads 12:00+

Artitgels legids il pli savens