Siglir tar il cuntegn
Inhalt

Svizra Evla fraudulada en chantun Fribourg

Radiografia mussa che l'utschè è vegnì tutga dad almain set ballins d'ina flinta.

Purtret da l'evla tutgada.
Legenda: L'evla avevan gardaselvaschinas ed ornitologs piglià. MAD

Ils mars era l'evla vegnida chattada datiers da La Roche. Ella è morta curt temp suenter sin ina staziun da tgira. In'emprima analisa mussa che l'evla è probablamain vegnida sajettada giu cun ballins d'ina flinta.

Suenter diversas annunzias d'ina evla blessada avevan guardaselvaschinas ed ornitologs piglià l'evla e purtà quella en la staziun da tgira. Là è l'evla dentant morta curt suenter sco quai che l'Uffizi da chatscha e pestga communitgescha.

L'utschè saja vegnì tutgà d'almain set ballins d'ina flinta e quels vegnian uss analisads per chattar ora detagls da la derivanza.

Evla da la pizza

L'evla da la pizza è protegida en l'entira Svizra, sco tut ils utschès da preda. En il chantun Fribourg cuan dapi onns mintgamain tschintg enfin sis pers. Sco l'uffizi da chatscha e pestga di, sajan cas da frauduladers scarts tar utschès da preda, capitian dentant tuttina da temp en temp.