Siglir tar il cuntegn
Inhalt

Svizra Eveline Widmer-Schlumpf: «As maschadai en!»

Cun quai che la solidaritad tranter las generaziuns vegnia adina pli pretensiusa duajan er ils giuvens prender posiziun. Quai di Eveline Widmer-Schlumpf, la nova presidenta da la Pro Senectute en la Samstagsrundschau da radio SRF.

L'anteriura Cussegliera federala e presidenta actuala da la Pro Senectute Eveline Widmer-Schlumpf en in'intervista al di da sia elecziun en il presidi.
Legenda: L'anteriura Cussegliera federala e presidenta actuala da la Pro Senectute Eveline Widmer-Schlumpf en in'intervista al di da sia elecziun en il presidi. Keystone

Perquai saja tant pli impurtant da discurrer avertamain dals problems enstagl da polemisar ha Widmer-Schlumpf ditg en la Samstagsrundschau da radio SRF. La realitad saja ch'adina pli paucs giuvens stoppian pajar per adina dapli persunas ch' hajan da bun ina renta.

I saja impurtant, ch'ils giuvens e las giuvnas sa participeschian a las discussiuns actualas e giajan a l’urna:

I sa tracta da voss avegnir, sa maschadai en!
Autur: Eveline Widmer-SchlumpfPresidenta da la Pro Senectute ed anteriura cussegliera federala (BDP)

L'anteriura cussegliera federala ha dentant era fatg endament, che la generaziun pli veglia actuala n’è betg mo pupragnada. Uschia haja numnadamain pli ch'in terz da las dunnas suenter la pensiun mo la renta d'AVS: «Quai n’è betg bler per viver.»