Evacuà 30 abitants suenter explosiun e fieu

A Dompierre en il chantun Friburg ha la polizia evacuà d'ina chasa radund 30 abitants. Quai suenter ch'i aveva dà ina explosiun e ch'in fieu era rut ora. Blessà na saja nagin vegnì, uschia la polizia.

Pumpiers che stizzan il fieu.

Legenda da maletgs: Var 25 pumpiers han pudì stizzar il fieu. L’ polizeiticher.ch/Kapo Neuenburg

La sonda endamaun vers las 04:00 è vegnì annunzià in fieu d'ina terza persuna. I haja dà ina explosiun ed ins haja silsuenter constatà fim. Quai tenor infurmaziuns da la polizia chantunala.

Cura che la polizia saja arrivada al lieu da l'incendi haja ella constatà fim en il tschaler. Ord motivs da segirezza haja ins evacuà ils 30 abitants en la halla da gimnastica da Dompierre. Nagin n'è vegnì blessà. Quant grond ch'il donn è na san ins anc betg. Ils pumpiers han gì svelt sut controlla il fieu. Entant èn tut las persunas evacuadas turnadas en lur chasa.

Causa da l'incendi nunenconuschent

Sche l'incendi stettia en connex cun ina seria d'incendis ch'i haja dà il davos temp en la regiun, na saja anc betg sclerì. Tar in dals incendis en la regiun eran crappads il fanadur da quai da 20 chavals, tar in'auter numerusas vachas.

RR novitads 09:00