Siglir tar il cuntegn

Header

cuntegn

Svizra Eurobus surpiglia Domo Swiss Express

Il pli grond interprendider da bus privat svizzer Eurobus surprenda la maioritad dal purschider da viadis da bus a lunga distanza Domo Swiss Express SA. A partir dals 10 da zercladur porscha Domo Swiss Express las emprimas trais lingias da bus a lunga distanza en Svizra.

Eurobus che tutga tar la gruppa Knecht vul cun l'acquisizun da Domo Swiss Express sustegnair il svilup e la gestiun da lingias da bus a lunga distanza concessiunadas. Quellas gioghian ina gronda rolla, scriva Eurobus. Per stabilir quest manaschi duain las duas firmas ussa esser responsablas communablamain. Quant che Eurobus ha pajà n'è betg enconuschent.

La concessiun che l'Uffizi federal da traffic ha concedì il favrer da quest onn, duai restar tar la Domo Swiss Express. Las lingias da bus a lunga distanza vegnian sco planisadas fatgas cun bus da Domo Swiss Express.

Eurobus ha 500 impiegads e fa ina svieuta da 125 milliuns francs l'onn. L'interpresa dispona d'ina flotta da 260 bus da lingia, bus da viadi e minibus.

RR novitads 14:00

Artitgels legids il pli savens