Siglir tar il cuntegn
cuntegn

Svizra Ethos crititgescha realisaziun da l’iniziativa da raffaders

La fundaziun per l’investiziun Ethos crititgescha co l’iniziativa da raffaders vegn realisada tar interpresas ch’èn quotadas a la bursa. Con bler bonus ch’ils managers survegnian, vegnia gia decidì avant da savair co i stettia cun il quint annual.

La fundaziun per l’investiziun Ethos
Legenda: La fundaziun per l’investiziun Ethos. Keystone

En Svizra han ils schefs dals 20 pli gronds concerns quotads a la bursa survegnì l'onn passà ina paja media da 8,2 milliuns francs. In president dal cussegl d'administraziun ha en media gudagnà 2,5 milliuns francs. Quai resulta d'in studi da la fundaziun Ethos.

Cunquai sajan las pajas dals top-managers anc adina memia autas, crititgescha Ethos e fa allusiun a l'iniziativa da raffaders. Savens fixeschian ils concerns ils bonus per ils managers gia avant ch'il resultat annual vegn fatg enconuschent.

RR novitads 14:00