Siglir tar il cuntegn
Inhalt

Svizra ETH Turitg e Losanna vinavant tranter las meglras scolas autas

La Scola politecnica federala (ETH) resta vinavant tranter las diesch meglras scolas autas dal mund. Tenor in studi dal «QS World University Ranking» vegn la ETH sin plazza 10. La EPFL a Losanna suonda gist sin posiziun 12.

Il bajetg da l'ETH Turitg e la terrassa avant la scol'auta.
Legenda: Il bajetg da l'ETH Turitg e la terrassa avant la scol'auta. Keystone

Meglra universitad ordaifer l’intschess englais

L’ETH a Turitg è uschia la meglra universitad ordaifer ils Stadis Unids e la Gronda Britannia. Tenor il studi èn las trais meglras universitads la Massachusetts Institute of Technology (MIT) e las universitads da Stanford e Harvard.

Era autras universitads en Svizra sin la glista

L'Universitad da Turitg vegn tenor quest studi rangada sin plazza 73, l'Universitad da Genevra sin plazza 98, l'Universitad da Losanna sin plazza 146 e l'Universitad da Basilea sin plazza 149. En spartas da la perscrutaziun resta la Svizra a la testa, hai num en la communicaziun, quatter da las nov universitads en Svizra vegnan en la sparta perscrutaziun tranter las 50 meglras. Las universitads attirian students dal entir mund e tgirian bunas relaziuns cun l'economia, scrivan ils responsabels.

RR novitads 08:00