Siglir tar il cuntegn

Header

cuntegn

Svizra Esquivel resta en arrest

Il funcziunari da la Fifa venezolan, Rafael Esquivel sto star en arrest malgrà problems da sanadad, quai pervi da privel da fugia.

La chombra da recurs da la dretgira penala federala ha renvià in plant dal pertutgà. Mesiras substitutivas sco ina cauziun, in scumond da bandunar il pajais u ina surveglianza electronica na possian betg garantir ch'Esquivel na bandunia betg la Svizra e turnia en Venezuela. Là viva el cun sia dunna e dus da ses uffants minorens. 4 ulteriurs uffants vivan era là.

Il funcziunari era vegnì arrestà ils 27 da matg a Turitg ensemen cun 6 ulteriurs funcziunaris da ballape. Ad el smanatschan tenor l’US-Department of Justice fin a 20 praschun pervi da crim organisà, cugliunaria, lavada da daners e corrupziun.

RR novitads 14:00

Artitgels legids il pli savens