Siglir tar il cuntegn
cuntegn

Svizra Eroport Turitg da nov cun partenzas en direcziun sid

Sin la plazza aviatica da Turitg duajan en l’avegnir aviuns era pudair partir en direcziun sid. Il Cussegl federal vul lubir las partenzas dispitaivlas en cas da tschajera e bisa. Ina storta sur la citad da Turitg duai dentant vegnir evitada.

In eroplan sa platga sin la plazza aviatica a Turitg.
Legenda: Las partenzas da l'eroport Turitg en direcziun sid restan dispitaivlas. Keystone

Ultra da quai ha il Cussegl federal decis da lubir il manaschi sin duas pistas prolungadas. Uschia pudessan tut ils tips d’aviuns era sa tschentar sin questas pistas per simplifitgar il manaschi. Sco proxim sto «Airport Zürich» elavurar in concept da manaschi. Quel sto lura vegnir approvà dal chantun e da la Confederaziun.

Citad e chantun Turitg crititgeschan las partenzas sid

La regenza dal chantun sco er il cussegl da la citad da Turitg èn levgiads ch'il Cussegl federal desista sin la ruta da sgol directamain sur il center da la citad, uschia scrivan ellas en lur posiziuns. Nagina chapientscha han ellas dentant ch'i dat en cas da tschajera la pussaivladad da far las partenzas a dretg or en direcziun sid.

RR novitads 15:00